Ən çox verilən suallar
Xidmətlərimiz, prosesimiz və qiymətləndirmə haqqında ən çox soruşulan sualların cavablarını burada tapa bilərsiniz.
Sənaye alpinizmi nədir və hansı işlərdə istifadə olunur?
Sənaye alpinizmi – hündürlükdə, kran və ya tikinti iskələsi qurmadan, ip və xüsusi avadanlıqlar vasitəsilə görülən təhlükəsiz iş üsuludur. Fasad təmiri, şüşə təmizliyi, reklam quraşdırılması və digər sahələrdə istifadə olunur.
Alpmasters hansı xidmətləri təklif edir?
Fasad təmiri və izolyasiyası, yüksəklikdə elektrik işləri, metal konstruksiya işləri, boyama işləri, reklam lövhələri-banner-vinil quraşdırılması, havalandırma-drenaj borularının təmiri, yükqaldırma işləri, xüsusi tələblərə uyğun boya istehsalı və şüşələrin təmizlənməsi daxil olmaqla, yüksəklikdə görülən bütün texniki işləri əhatə edir.
Sizin mütəxəssisləriniz sertifikatlıdırmı?
Bəli, komandamız beynəlxalq səviyyəli və peşəkar sertifikatlara malikdir. Şirkətin təsisçisi Osman Bayramov tikinti və texniki sahədə çoxillik təcrübəyə sahibdir və müxtəlif təlim-ixtisasartırma proqramlarında iştirak etmişdir.
Xidmətləriniz Bakının hansı ərazilərini əhatə edir?
Alpmasters Bakı şəhəri və ətraf ərazilərdə xidmət göstərir, tələb olunduqda Azərbaycanın digər bölgələrinə də çıxış təmin edilir.
Alpinist xidməti kran və digər bahalı avadanlıqlarla müqayisədə nə üçün daha sərfəlidir?
Kran, yüksək iskələ və digər ağır texnika kirayəsi əlavə nəqliyyat, quraşdırma və icazə xərcləri tələb edir. Sənaye alpinizmi isə bu infrastrukturu tələb etmədən, daha qısa müddətdə və əhəmiyyətli dərəcədə aşağı büdcə ilə eyni keyfiyyətdə nəticə verir – xüsusilə dar məkanlarda və çətin çıxışlı obyektlərdə əvəzolunmazdır.
Hündürlükdə görülən işlər nə dərəcədə təhlükəsizdir?
Bütün işlər beynəlxalq təhlükəsizlik standartlarına uyğun, sertifikatlı avadanlıqlar və risk qiymətləndirməsi əsasında aparılır, mütəxəssislərimiz mütəmadi təlimlərdən keçir.
İş üçün əvvəlcədən baxış (ekspertiza) aparılırmı?
Bəli, hər layihədən əvvəl obyektə baxış keçirilir, iş planı (method statement) və risk qiymətləndirməsi hazırlanır.
Fasad təmiri nə qədər vaxt aparır?
Bu, binanın hündürlüyündən, sahəsindən və işin mürəkkəbliyindən asılıdır – kiçik işlər bir neçə saata, böyük layihələr isə bir neçə günə başa çatdırılır.
Qış aylarında və pis hava şəraitində iş görülürmü?
Təhlükəsizlik prioritet olduğu üçün güclü külək, yağış və ya buz şəraitində işlər müvəqqəti dayandırılır, hava şəraiti sabitləşdikdən sonra davam etdirilir.
Alpmasters yalnız tikinti-texniki xidmətlər göstərir, yoxsa başqa sahədə də fəaliyyəti var?
Xeyr. Alpmasters yüksəklikdə texniki xidmətlərdən əlavə, layihənin ehtiyacına uyğun xüsusi boya tərkiblərinin mühəndislik yanaşması ilə hazırlanması və istehsalı istiqamətində də fəaliyyət göstərir – bu, bazarda az rast gəlinən əlavə xidmətimizdir.